mbulelo smpofu
Ethel Ncube
KULOJAHA weLukala ngaphansi kwenduna uMtshane odilikelwe ngumgodi eSurnace Mine e-Arda, eMguza, ngokuswelakala kwenhlanhla wedlula emhlabeni.
ULuckmore Sibanda oleminyaka engu-17 yokuzalwa ufele emgodini ngeviki ephelileyo egebha amatshe aligugu.
Kuvezwe ukuba uyise kaLuckmore Sibanda wafika wabikelwa ngomunye ukuba umuyi usebandezelwe lilitshe elikhulu emgodini. Ubaba kamuyi wasukuma wahamba labanye bafika behluleka ukuba bamsize uLuckmore wacina esedlula emhlabeni
Kusenjalo kulendoda yeLalapanzi etshaywe yabulawa ngamadoda amabili ngeviki ephelileyo.
Umuyi, uWhatmore Chigabu oleminyaka engu-27 yokuzalwa wathi ehamba endleleni wahlangana lamadoda amabili uTawanda Hungwe loChamunorwa Sungisai bamtshaya. UWhatmore watshaywa ngezinsimbi ezicijileyo kodwa bengamtsheli ukuba bamtshayelani. Bathe sebemtshayile esewele phansi baqeda babaleka. UWhatmore wadojwa ngomunye owamzwelayo wamhambisa esibhedlela seMvuma lapho afika wadluliselwa esibhedlela seGweru bafika bamdlulisela eUnited Bulawayo Hospitals lapho athi efika bathi usedlule emhlabeni. Ometheswacala babaleka abazakali ukuthi bangaphi, bayadingwa ngamapholisa.
Intatheli ixhumane lesikhulumi samapholisa koBulawayo, uAssistant Inspector Nomalanga Msebele obike ukuba abagebhayo amatshe aligugu abasebenze endaweni ezilamaphepha.
“Imininingwane ebhodayo kunkundla zokuxhumana ukuba kutshone abantu abanengi emgodini lo odilikileyo asiqiniso. Abantu abekele ukwethusa abantu ngamanga enkundleni zokuxhumana abalinde amapholisa babaphe imininingwane eqondileyo. Omakorokoza kabekele ukugebha endaweni eziyingozi ngoba zifaka impilo zabo enkingeni,” kuphetha uAss Insp Msebele.
Siphakeme .Mnindwa
