
KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare
Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye lokuhlukumeza ngokocansi. Kubikwa abasolwa bazahlala ejele kuze kubemhlaka 13 Nhlolanja icala labo lisacubungulwa.
Ngokutsho kukamtshutshisi u-Anesu Chirenje, isehlakalo lesi senzakala mhlaka 25 Zibandlela ngesikhathi umamangala etshayela imota wakhe emgwaqweni uLeopold Takawira Street. USibanda wavula umnyango wemota wathatha umakhalekhukhwini wohlobo lwe-Samsung Note 20 Ultra.
USibanda kubikwa wethusela umamangala nge-screwdriver, wasemlaya ukuba atshayele imota bahambe kwenye indlu eseduzane. Bathe befika kulindlu, uMsipa loHarris bangena, baqala ukukhulula umamangala impahla ayezigqokile andubana bamdlwengule.
Amanina la kubikwa ngemva kwalokhu athathela umamangala imali engange US$20. Bambisela emoteni yakhe, baphinda bathatha ipower bank kanye le-phone charger. Ngokutsho kukamtshutshisi, bamtshela ukuthi athathe ithekisi ayelabo ngakibo, lapho abafika bathatha njalo enye i-US$80.
Isimo satshintsha masinya ngesikhathi umamangala ebona amapholisa eduzane, wahle wahlaba umkhosi okwenza amanina la ahle abotshwa, impahla zikamamangala zatholakala zonke. — Ubulembu