Sinokubonga Nkala
NGOSUKU lwesehlakalo kuthiwa umsolwa wagwaza umufi, uMnumzana Langelihle Mchunu (25) ngoba esala ukumnika igwayi mahala etafuleni lokuthengisa ayelilindiswe ngumnikazi owayethenga okuthize esitolo.
Kuthiwa ngesikhathi behilizisana, umsolwa owayengahlomanga, wahamba waya ngakibo wayabuya lengqamu, wabuya wagwaza umufi.
Umsolwa wazinikela emapholiseni ngemva kokuba abambonayo edala icala leli bemeluleke ngokuthi akukho okunye okumele akwenze.
Udadewabo kamufi, uNkosazana Zinhle Mchunu, uthe balimele emoyeni ngenxa yocingo olutshaywe ngumphenyi, elutshayela unina ethi abaphathi bakhe bathe akalivale icala ngoba kade lihleli.
Uthe kusukela ngoNkwenkwezi, umsolwa ubelokhu efaka isicelo sebheyili, esidonse isikhathi eside njengoba bekulokhu kulenkinga yekheli.
“Uze wayithola emasontweni amabili edluleyo. Ungaphandle,” kutsho uNkszn Mchunu.
Uthe okubakhalisayo yikungazi ukuthi amapholisa afinyelele kanjani kusinqumo sokuthi livalwe icala ekubeni kulobufakazi obeneleyo ukuthi limgojele umsolwa.
“Edala icala kwakukhona abantu ababembukele. Labo bantu bazibhala izitatimende emapholiseni. Okwesibili; umsolwa wathi uma eselenzile icala leli wahamba wayoziceba kunina, laye owasenza isitatimende emapholiseni ngokugonyuluka kwendodana yakhe,” kutsho yena.
Uveze lokuthi akucinanga lapho, umsolwa wabe esezinikela emapholiseni ngalolosuku lwesehlakalo.
“Lengqamu agwaza ngayo umfowethu yatholakala iseselegazi. Manje sizibuza ukuthi yini ebilibambezela icala ngoba ubufakazi benele?” utsho kanje.
Uthe bengumdeni kabeneme ngokwenziwe ngamapholisa, wathi basabufuna ubulungiswa ngothandiweyo wabo owabulawa ngesihluku.
“Akukwazi ukuthi umuntu abulale maqede kuphele kanjalo,” kukhalaza uNkszn Mchunu.-Isolezwe
