Imbongi ikhuthaza ukuvuselelwa kwembali lamasiko

Ethel Ncube

IMBONGI yesiJawundeni uNqindi “Lerato” Ndlovu ukhuthaza uzulu ukuba avuselele ezamasiko umuntu lomuntu azi imbali lezangelo zakhe.

Ekhuluma lentatheli uNqindi ubike ukuba sowananzelela ukuba abantwana abanengi lentsha abazi lutho ngezamasiko lembali yalapho abadabuka khona.

“Kudala ngibhoda izindawo ngihaya inkondlo kodwa ekuhambeni kwami senginanzelele ukuba ungabuza umntwana ukuthi izangelo zakho zithini njalo udabuka ngaphi kakwazi. Bazali asihlaleni phansi labantwana labasakhulayo umntwana umfundise umchazele ukuthi lina lingabakobani, lidabuka ngaphi.

Ezikolo khathesi kuyathiwa umntwana katsho izitemo zakhe ehluleke lesisodwa. Kungumlandu wethu ukuba sibambisane sibafundise abantwana bahlale bekwazi,” kutsho uNqindi.

Uqhubekele phambili eveza ukuba yena uzaqhubekela phambili esenza umsebenzi wakhe wokuhaya.

“Mina isikolo singangimbiza ngivele angekeli, ngiyafika ngihaya izangelo zezibongo ezimbili, ezintathu lami kuyindlela yokuncedisa ukuba abantwana bethu bazi ngezangelo zabo.

“Abalembali engiyaziyo lapho abadabuka khona ngizababela lami babekwazi ngalapho abavela khona.

Imbali iyingxenye yamasiko kungakho kumele kuvuselelwe kungafi amasiko ethu sikhona siphila.

Bazali asizameni ngamandla ethu sonke sifundise abantwana ngembali yethu lapho esidabuka khona.

Umntwana uyathola esazi isibongo kuphela, ukuthi yena izitemo zakhe zithini lokuthi ababongwa ngesibongo esithile, bazila kuphi ukudla uyabe engakwazi. Umlandu ukithi, asincedisaneni, ababalisi bethu bebuza abantwana bevele belolwazi,” kuphetha uNqindi.

Related Posts

Amanina amathathu abotshelwe ukudlwengula indoda (20)

KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye…

Kucatshangelwa itshefu emputshini kusifa ababili

YiNtatheli kaMthunywa ABADALA bathi impi yomdeni kayingenwa kodwa-ke, ngendlela amalunga enye imuli yakoMoyo, eMbembeswana esigabeni seBubi, eMatabeleland North alwa ngayo, angeke kube yindaba ekhulunywa ngudlu. Imuli le iphakathi kwesindabaphenduli esingadinga…

Leave a Reply

Your email address will not be published. Required fields are marked *

You Missed

SADC to intensify DRC peace efforts

SADC to intensify DRC peace efforts

‘Sadc a staunch advocate for DRC peace’

‘Sadc a staunch advocate for DRC peace’

AI art: Friend or foe? . .Local artists weigh in on the creative revolution

AI art: Friend or foe? . .Local artists weigh in on the creative revolution

Against the odds. . .Woman, maid share breast cancer survival story

Against the odds. . .Woman, maid share breast cancer survival story