Ipholisa lidlwengula ole-13 limnike isivalamlomo samasese

Bhekimpilo Tshalibe

KULEPHOLISA elileminyaka engu-39 yokuzalwa leJambezi, elimiswe emthethwandaba lisetheswa icala lokudlwengula umntwana oleminyaka engu-13, andubana limnike isivalamlomo samasese, amanamunede amabili lamabhisikiti.

Ipholisa leli, u-Isheunesu Mabwe, umiswe emthethwandaba, kubikwa mhlaka 18 Zibandlela kuwonalo umnyaka phakathi kwamabili, lamisa umamangala owayehamba lomzawakhe.

Kuzwakale ukuthi umsolwa wababuza ukuthi bayangaphi ngobusuku, bamphendula ukuthi balindele udadewabo.

Ipholisa leli kubikwa ladonsela umamangala ngemva kwezitolo lapho elafika lambamba amabele, lamqabula andubana limdlwengule.

Kuzwakale ukuthi umsolwa wathengela umamangala amanamunede amabili lamaphakethe amabhisikiti amabili lamasese njengesivalamlomo.

Umsolwa uzaphindela emthethwandaba mhlaka 7 Nhlolanja lonyaka.

Kusenjalo, kulendoda eleminyaka engu-30 yeZvishavane ezakuyapika isebenza nzima ejele iminyaka engu-35 kulandela ukutholakala ilecala lokubulala ngokugwaza enye indoda ka-14, benatha ebhawa.

Umsolwa, uSolomon Ndlovu, ubemiswe emthethwandaba omkhulu weGweru kuyonale iviki, esetheswa icala lokubulala.

Kuzwakale ukuthi mhlaka 10 Nhlangula ngomnyaka ka-2019, ngehola lika 11 ebusuku, uNdlovu lomuyi babekhelela utshwala labanye abangane babo ebhawa yeMuneme Bottle Store.

Kuvele ukuthi kwacina kusiba lokungazwisisani phakathi kwabo basebesilwa.

UNdlovu wakhipha ingqamu, uthe ethi uyagwaza, ongasekhoyo wabaleka kodwa wamhlala izithende wayambamba esegijime ibanga elingaba yi-50 metres, wamgwaza ka-14, okwabangela ukuthi amathumbu akhe aphumele egcekeni.

Kubikwa loba wathwalelwa esibhedlela kodwa wedlula emhlabeni engakafiki esibhedlela.

Related Posts

Amanina amathathu abotshelwe ukudlwengula indoda (20)

KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye…

Kucatshangelwa itshefu emputshini kusifa ababili

YiNtatheli kaMthunywa ABADALA bathi impi yomdeni kayingenwa kodwa-ke, ngendlela amalunga enye imuli yakoMoyo, eMbembeswana esigabeni seBubi, eMatabeleland North alwa ngayo, angeke kube yindaba ekhulunywa ngudlu. Imuli le iphakathi kwesindabaphenduli esingadinga…

Leave a Reply

Your email address will not be published. Required fields are marked *

You Missed

SADC to intensify DRC peace efforts

SADC to intensify DRC peace efforts

‘Sadc a staunch advocate for DRC peace’

‘Sadc a staunch advocate for DRC peace’

AI art: Friend or foe? . .Local artists weigh in on the creative revolution

AI art: Friend or foe? . .Local artists weigh in on the creative revolution

Against the odds. . .Woman, maid share breast cancer survival story

Against the odds. . .Woman, maid share breast cancer survival story