‘Ithimu lekayilamali’

Fungai Muderere

OSAPHETHE isikhundla sikamgciningcebo weqembu leHighlanders u-Israel Moyo ubika ukuthi zimbi indaba eqenjini ngoba kulensolo ngendlela okuphathwa ngayo imali eqenjini.

Lokhu kuvele emhlanganweni womnyaka (AGM) oqhutshwe ngeviki eledluleyo eHighlalnders Clubhouse lapho uMoyo owethule khona ukuthi ngemva kokuqhuba uhlelo lokuhlola ingwalo zemali yeqembu, kuvele ukuthi “izinto” kazihlangani ngendlela.

“Angijabulanga. Kunengi okudinga ukuthi kulinganiswe,” kutsho uMoyo.

Incwadi zokuhlolwa kwemali ezilungiswe ngabacwaningi abazimele bodwa, iBakertilly, ziveze ukuthi kukhona okumele kulungiswe.

Kuvezwe ukungaqiniseki mayelana lokuphelela kwemali ekhona lezakhiwo lempahla ebalisa- iUS$349 400.
Ngomnyaka ophele mhlaka 31 Mpalakazi 2024, abaphathi beBosso babike i-US$198 495 eyasetshenziswayo. Kodwa-ke, inkokheli zeqembu zehluleka ukuveza ubufakazi obupheleleyo kulokho.

“Asenelisanga ukwenza ezinye izinqubo zokuhlola ukuphelela, kunye lokulinganisa inani elitholiweyo. Bekungeke kwenzeke ukuthi sinqume ukuthi ngabe kukhona yini ukulungiswa okudingekayo kuncwadi yenzuzo loba sokulahlekelwa kunye lenye imali engenayo epheleleyo,” kuphawula abacwaningi bemali zeBosso, abeBakertilly.

Inkundla yomhlangano we-AGM iphinde yabikelwa ukuthi iHighlanders yathola iminikelo ye-US$25 653 phakathi komnyaka, kodwa abaphathi behlulekile ukunikeza inhlelo ezisekela ukulinganisa lokuphelela kweminikelo le.

Ngaphezulu kwalokho, iqembu lathola imali engange-US$150  168, kodwa incwadi ezisekela lokhu kazibonakali kumali engange-US$71  084. IBosso yathola umklomelo wemali i-US$43  621, kodwa abaphathi beqembu behluleka ukuxazulula umehluko we-US$21  611.

Kulumhlangano kuvele njalo ukuthi akulabufakazi obulotshiweyo mayelana ngemali engena e-Clubhouse, okwenza kube nzima kubacwaningi bengwalo zemali yeqembu ukuthi benze umsebenzi wabo ngemfanelo.

Isethulo sikaMoyo kasizange sijabulise umbuthano nanko abanye basiyalile bathi kungangcono engaqhubeki ngaso. Lokhu kuveze ukuthi kulesidingo sokuthi inhlelo zemali yeHighlanders zivezwe sobala kumalunga ayo.
Njengoba iqembu lidonsa nzima ekutholeni imali ngendlela, uMoyo uthe kungcono ukuthi kusungulwe ikhomithi yabacwaningi bengwalo zemali ukuze kuqinisekiswe ukuphathwa kahle kwemali.

Related Posts

Amanina amathathu abotshelwe ukudlwengula indoda (20)

KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye…

Kucatshangelwa itshefu emputshini kusifa ababili

YiNtatheli kaMthunywa ABADALA bathi impi yomdeni kayingenwa kodwa-ke, ngendlela amalunga enye imuli yakoMoyo, eMbembeswana esigabeni seBubi, eMatabeleland North alwa ngayo, angeke kube yindaba ekhulunywa ngudlu. Imuli le iphakathi kwesindabaphenduli esingadinga…

Leave a Reply

Your email address will not be published. Required fields are marked *

You Missed

SADC to intensify DRC peace efforts

SADC to intensify DRC peace efforts

‘Sadc a staunch advocate for DRC peace’

‘Sadc a staunch advocate for DRC peace’

AI art: Friend or foe? . .Local artists weigh in on the creative revolution

AI art: Friend or foe? . .Local artists weigh in on the creative revolution

Against the odds. . .Woman, maid share breast cancer survival story

Against the odds. . .Woman, maid share breast cancer survival story