mbulelo smpofu
Bhekimpilo Tshalibe
KUBALIMI abafuna ukuthola imali engcono, ingcitshi zokulima elizweni sezixwayise ukuthi balime i-lettuce.
Isixwayiso lesi sivele kuMnumzana Takudzwa Samambwa ongu-Agronomist kunkampani ye-Seedco, otshele intatheli ukuthi bahlezi becebisa abalimi ukuthi bakhuthalele ukuhlanyela i-lettuce bezitholele imali emangalisayo.
Uchaze ukuba i-lettuce ilemihlobo emibili egoqela ama yi-hybrid lama-open pollinated varieties.
“I-lettuce ilinywa umnyaka wonke kusukela uqalisa uze uyephela njalo ilemihlobo emibili egoqela ama-hybrids elama-open pollinated varieties. Ama-hybrids ayazivikela emikhuhlaneni. Uhlobo lwama-open pollinated varieties alwenelisi ukuzilwela emikhuhlaneni njalo afuna ukuhlala efafazwa ngemithi,” kutsho uMnu Samambwa.
Uqhubekele phambili wathi nxa abalimi belimela ukuyathengisa, ubakhuthaza ukuthi bethenge umhlobo we-hybrid.
“Nxa abalimi belimela ukuyathengisa sibakhuthaza ukuthi bethenge umhlobo we-hybrid ngoba ulesivuno esiphezulu njalo uyaphangisa ukuhluma,” kutsho uMnu Samambwa.
Uthe ukhuthaza abalimi ukuthi beqale befake umquba phansi bengakahlanyeli.
“Sikhuthaza abalimi ukuthi beqale befake umquba okuthiwa yiCompound C bengakahlanyeli. Okunye njalo ngesikhathi sokuhlanyela sikhuthaza abalimi ukuthi bafafaze ngomuthi okuthiwa yi-lambda insecticide ukuze bebulale izibungu njalo bevikele inhlanyelo yabo ukuthi ingadliwa yizibungu.”
Siphakeme .Mnindwa
