Kugalule amadoda amabili edamu leMatopo

Yintatheli kaMthunywa

KWEHLE iyezi elimnyama kunkampani yeSteel Tower esikolo seMatopo ngempelaviki ngemva kokuba kutshone obaba ababili edamu.

UMuziwakhe Bonkwane oleminyaka engu-26 yokuzalwa kanye loYelisani Nyathi oleminyaka engu-32 bagalule bafa ngempelaviki. Umfakazi obikele iphephandaba likazulu ubike ukuba ababili laba bebeqhatshiwe ukuzofulela indlu yokuhlala yabafundi.

“Amadoda la abelande ukuzofulela indlu eyatshayo eyabaFomu 1, kuthiwa bathi bayaziqandisa edamu kanti sebebizwa yikufa. Owaqala ukungena emanzini nguMuziwakhe kodwa ngemva kwesikhatshana wakhanya esegalula, kwangena omunye ogasaqanjwanga ngebizo wazama ukumkhipha emanzini kodwa ngesikhathi emdonsa kwakungani kulento edonsela uMuziwakhe phansi, wamtshiya wayabiza abanye.

Babuya abanye bathi befika uYelisani laye wangena wazama ukudonsa uMuziwakhe kwala, wayelokhu edonselwa phansi, kwamehlula, wacina laye esegalula emanzini wahle wedlula emhlabeni. Omunye wabedlulayo wabhubha ephuma igazi emakhaleni lemlonyeni, lokhu kukhomba ukuthi kukhona okungalunganga edamu leli. Silusizi kuzimuli zabo, sithi dudu kumdeni lakunkampani yeSteel Towers sithi abalale ngokuthula,” kubika umfakazi lo

Intatheli ixhumane lobambele isikhulumi samapholisa eMatebeleland South uAssistant Inspector Stanford Mguni obike ukuba indaba enjalo yenzakele.

“Kulabantu ababili abafele edamu leMatopo akade beqhatshwe yisikolo. Ngokuswelakala kwenhlanhla, bagalule edamu bedlula emhlabeni. Sithanda ukuxwayisa uzulu ukuthi kangangeni emanzini kumbe ukudlalela kiwo siphinde sibuye sicele abazali ukuba abantwana abakhangelwe bengabhukutshi emanzini.

Izulu linile, indawo yonke kugcwele amanzi, ungalingi ukungena phakathi kwamanzi ucabanga ukuthi malutshwane, ulakho ukugalula ufe.

“Emadamu, ezifuleni lemachibini kumbe nje wonke amagodi alamanzi asingadlaleli khona amanzi ayingozi ayabulala. Imigodi ayivalwe ngezivalo, amabhavu esiwakhelela amanzi ngekhaya lawo siwavale ngoba abantwana labo balakho ukugalula,” kuphetha uAss Insp Mguni.

Related Posts

Amanina amathathu abotshelwe ukudlwengula indoda (20)

KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye…

Kucatshangelwa itshefu emputshini kusifa ababili

YiNtatheli kaMthunywa ABADALA bathi impi yomdeni kayingenwa kodwa-ke, ngendlela amalunga enye imuli yakoMoyo, eMbembeswana esigabeni seBubi, eMatabeleland North alwa ngayo, angeke kube yindaba ekhulunywa ngudlu. Imuli le iphakathi kwesindabaphenduli esingadinga…

Leave a Reply

Your email address will not be published. Required fields are marked *

You Missed

SADC to intensify DRC peace efforts

SADC to intensify DRC peace efforts

‘Sadc a staunch advocate for DRC peace’

‘Sadc a staunch advocate for DRC peace’

AI art: Friend or foe? . .Local artists weigh in on the creative revolution

AI art: Friend or foe? . .Local artists weigh in on the creative revolution

Against the odds. . .Woman, maid share breast cancer survival story

Against the odds. . .Woman, maid share breast cancer survival story