mbulelo smpofu
Brandon Moyo
U-SIKANDAR Raza nguye yedwa umdlali wakuleli ozadlala ku-2025 Pakistan Super League (PSL) ngemva kokugcinwa liqembu leLahore Qalandars.
Abadlali abangu-21 abakuleli, ngaphandle kuka-Raza, bangene ngaphansi kohlelo lokukhethwa kwabadlali abazaphatheka kuhlandla letshumi le-PSL, ongomunye wemiqhudelwano emikhulu emhlabeni jikelele.
Kodwa, akula loyedwa kubadlali abangu-21 abakhethiweyo. Kwabangu-21 laba, ababili basesigabeni sedayimani, abathathu igolide labangu-16 esigabeni sesiliva.
Kusigaba sedayimani kuloBlessing Muzarabani loRyan Burl, Dion Myers, Nick Welch loSean Williams (isigaba segolide). Kusigaba sesiliva kulo-Antum Naqvi, Arinshto Vezha, Brad Evans, Brian Bennett, Craig Ervine, Faraz Akram, Johnathan Campbell, Richard Ngarava, Richmond Mutumbami, Solomon Mire, Tanaka Chivanga, Tashinga Musekiwa, Tawanda Maposa, Tinashe Muchawaya, Tinotenda Maposa loTrevor Gwandu.
Kuqembu leLahore Qalandars, uRaza uzadlala loDaryl Mitchell oweNew Zealand, Fakhar Zaman, Shaheen Shah Afridi, Haris Rauf, Abdullah Shafique, Asif Ali, Tom Curran, Sam Billings loKusal Perera.
Abanye abadlali bohlonzi nguDavid Warner (Australia Karachi Kings), Kane Williamson (New Zealand; Karachi Kings), Rilee Rossouw (South Africa, Quetta Gladiators), Shai Hope (West Indies, Multan Sultans), Johnson Charles (West Indies, Multan Sultans), Rassie Van Der Dussen (South Africa, Islamabad United), Jason Holder (Islamabad United), Alzarri Joseph (West Indies, Peshawar Zalmi).
Kusenjalo, uBurl usedlale kakuhle kuBangladesh Premier League (BPL) lapho asenelise ukuthi atholele iqembu lakhe leDurbar Rajshahi ama-runs amanengi.
Kuma-innings ayisithupha, uBurl usethole 179 runs, behluleka ukumkhipha ele-55 runs, watshaya ama-40s ambalwa njalo. Usetshaye ama-wickets amathathu. NgeSonto bedlala leDhaka Capital, uBurl uthole ama-runs ayi-47, engakhitshwanga loba nje bedliwe nge-149 runs.
shloboe boe
