Siphakeme .Mnindwa
UMFELOKAZI usethembele eNkantolo eNkulu yeGauteng ePitoli ukuthi imnikeze ubunikazi bembewu yomyeni wakhe ongasekho, egcinwe emtholampilo.
Lo owesifazane usefuna ukuyisebenzisa ukuze athole ozolama indodakazi yakhe eyodwa.
Umyeni wakhe kwatholakala ukuthi ulemvukuzane wase elulekwa ngabezempilo ukuthi ngaphambi kokuqala ukwelatshwa akanikele ngembewu yakhe igcinwe emtholampilo ukuze isetshenziswe uma efuna ukuthola abantwana kwelakusasa.
Langempela owesilisa wanikela ngembewu yakhe yagcinwa emtholampilo ngo-2014.
Lo wesifazane wakhetha ukukhulelwa ngokuthi afakwe imbewu yomyeni wakhe.
Ubhale emaphepheni asenkantolo ukuthi ngenxa ye-chemotheraphy, abakwazanga ukuthola izingane ngokwemvelo.
Uchaze wathi umyeni wakhe wanikela ngembewu emtholampilo wenzalo ukuze igcinwe futhi kwagcinwa ama-straw angu-13.
Kuye kwakhitshwa amaqanda angu-16 kodwa ayisitshiyagalolunye ayevuthiwe. Amanye alahlwa ngoba ayengekho esimeni sokujovwa ngembewu.
Kulokhu, kuthathwa imbewu eyodwa ifakwe eqandeni ngamajekiseni. Ngesikhathi kwenziwa, kwasetshenziswa ama-straw amabili kwasala angu-11 ukuze agcinwe. NgoMbimbitho 2016 wakhulelwa, kwaholela ekutheni abelethe indodakazi yakhe ngoNhlolanja 2017.
Uthe umyeni wakhe watshona ngemva kwezinyanga ezimbili kuzelwe indodakazi engatshongo encwadini yefa ukuthi kwenziweni ngama-straw esidoda aseleyo. Uthe kodwa watsho ukuthi wonke amafa akhe uwatshiya kumkakhe.
Uthe ukuze andise umdeni kumele asebenzise ama-straw angu-11 asele.
Ukugcinwa kwembewu kulawulwa ngumthetho i-National Health Act, Children’s Act lemithetho emayelana lokukhulelwa ngokujova.
Eminye yemithetho ikubeka kucace ukuthi ngemva kokujovwa, ubunikazi busala lojovayo, kulokhu umfelokazi. Uphinde uthi ngaphambi kokujova, ubunikazi bembewu kuba ngobowesilisa onikelile.
Owesifazane ufuna inkantolo inqume ukuthi ubunikazi bembewu budluliselwe kuyena ngoba emtholampilo bathi umthetho awucacisile ukuthi sebungobakhe. —Isolezwe
