Sekulezinguquko ecaleni likaBabes

SEKULEZINGUQUKO ekuqulweni kwecala lokutshaya elibhekene lomculi wegqom,’ uBongekile “Babes Wodumo” Simelane-Maphumulo, eNkantolo yeMantshi yaseThekwini.

Izolo kuphinde kwahlehla ukuqhutshwa kwalo ngenxa yokungahambisani kommeli kaBabes, uThula Mlondo, lokukhonjiswa kwe-vidiyo yengxabano yekhasimende lakhe lomsiki wengqephu, uPhilile “Philly” Mhlongo, okuyisigameko esenzeka mhlaka 12 Mbimbitho nyakenye.

Leli cala kwakufanele liqhutshwe izinsuku ezintathu, ngoZibandlela 13, 14 lomhla ka-15 kodwa kwahlehla ngenxa yokugula kukaMlondo. UMantshi uNtokozo Myeni loMtshutshisi uNtokozo Ngema bavumelana ukuthi leli cala libuye liqutshwe mhlaka 23 lo-27 Zibandlela bese ligqitshwa mhlaka 7 Nhlolanja kodwa izolo zibuye zaguqulwa izinsuku.

UMantshi, uMtshutshisi loMlondo bavumelane ukuthi kuqutshwe icala phakathi kwelinye icala mhlaka 21 Nhlolanja ngenxa yokuthi uMlondo utshaya amakhala nge-video.

NgoLwesine uPhilly, ongummangali kuleli cala, watshela inkantolo ukuthi ngesikhathi ehlaselwa nguBabes lonogada kanye labadansi bakhe endaweni asebenzela kuyo mhlaka 12 Mbimbitho nyakenye, isigameko sasiqotshwa ngamakhamera akuWest Walk, eThekwini.

Uthe esefikile ungoti obezodlala i-video lamhlanje, uMlondo waphikisana lokudlalwa kwayo kwase kuba lokuqagulisana phakathi kwakhe lomantshi lomtshutshisi. Umantshi ugcine esephuma lesinqumo sokuba icala lihlehlele ku 21 Nhlolanja kulo nyaka, kuze kuba izinhlangothi, okungolukammangali lolukammangalelwa, zinikezwa ithuba lokuphikisana ngaphambi kokuphunywa lesinqumo sokuthi i-video iyakhonjiswa noma qha.

UBabes ufakwe enkantolo nguPhilly weSK Dee Designs ngoba emsola ngokumtshaya nangokumhlambalaza ezinkundleni zokuxhumana lasemsakazweni.

Kulokhu uBabes, ongaphandle ngesixwayiso, utheleke ehamba nabanye abantu besilisa abangadumile. Ubeswenke ngezinwele ezisa-orange, isikibha esilemikhono emide sengwe kodwa esi-maroon, ibhulukwe (track pant) lakwaPuma elimnyama eligqize ngombala obomvu lamateki ayiphuzi.

UPhilly ubegqoke isikibha esimhlophe, ibhulukwe eliwukhakhi lama-sleepers, wabe esebopha izinwele ngemuva. Enkantolo uBabes ubelokhu ezitshayisa umoya ngezandla ngenxa yokutshisa obekukhipha inhlanzi emanzini. -Isolezwe

Related Posts

Amanina amathathu abotshelwe ukudlwengula indoda (20)

KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye…

Kucatshangelwa itshefu emputshini kusifa ababili

YiNtatheli kaMthunywa ABADALA bathi impi yomdeni kayingenwa kodwa-ke, ngendlela amalunga enye imuli yakoMoyo, eMbembeswana esigabeni seBubi, eMatabeleland North alwa ngayo, angeke kube yindaba ekhulunywa ngudlu. Imuli le iphakathi kwesindabaphenduli esingadinga…

Leave a Reply

Your email address will not be published. Required fields are marked *

You Missed

SADC to intensify DRC peace efforts

SADC to intensify DRC peace efforts

‘Sadc a staunch advocate for DRC peace’

‘Sadc a staunch advocate for DRC peace’

AI art: Friend or foe? . .Local artists weigh in on the creative revolution

AI art: Friend or foe? . .Local artists weigh in on the creative revolution

Against the odds. . .Woman, maid share breast cancer survival story

Against the odds. . .Woman, maid share breast cancer survival story