
Fungai Muderere
ISIKHULUMI seFC Platinum uChido Chizondo ubike ukuthi sebehlukane lomdlali obekade eyinsika eqenjini uLawrence Mhlanga.
Umdlali lo ubalelwa kulabo abaphakamisa iPre Platinum Play, ibutha inkezo iphethwe ngumqeqetshi kuzwa uNorman Mapeza. Ngaphansi kwalumqeqetshi uMhlanga waphenduka waba ngumdlali owathola inhlonipho kubalandeli bomdlalo izwe lonke.
Kodwa, ngemva kwamasizini wonke la, eyibambe kakuhle indima eqenjini, uMhlanga ukhethe ukuthi ayifulathele ekaMapeza.
Kayisuye yedwa umdlali othwale imitshaqana watshiya iqembu. Abanye nguRainsome Pavari, uDonald Teguru loPanashe Mutimbanyoka.
UChizondo uthe uMhlanga loPavari sebedlalela iManica Diamonds. UTeguru loMutimbanyoka basezikhwameni zemali eMabvuku, kuScottland FC.
“Isivumelwano sethu loLawrence Mhlanga saphela ngomnyaka odluleyo. Umdlali wanquma ukuthi angasivuseleli, ngenxa yalokho wahamba waya kuManica Diamonds lapho okudlala khona loRainsome Pavari. UPanashe Mutimbanyoka loDonald Teguru sebedlala kuScottland FC,” kutsho uChizondo.
Lanxa iFC Platinum iyehlukane labadlali abane laba, yenelise ukulondoloza unozinti wayo uWallace Magalane, uShepherd Mhlanga, Thandolwenkosi Ngwenya kunye lowayengumdlali wemuva weHighlanders uMbongeni “Mbola” Ndlovu labanye.
Owake wadlalela iqembu leDynamos leGreen Fuel uClaivert Tshuma ubonakale ezilolonga kuFC Platinum. UTshuma ubonakale eqinisa umzimba e-gym egqoke isikipa seqembu leli. Lokhu sokuqubule inkulumo zokuthi uTshuma engaya kuqembu eliqeqetshwa nguNorman Mapeza. Kuyavela ukuthi uTshuma ufuna ukuhlala edlala kusigaba saphezulu somdlalo kulandela ukugunyulwa kweqembu leHwange kusizini edluleyo.
Umgadli ogijimayo lo ubesengwalweni zeChipangano eyehliswa kuligi ephezulu yelizwe ihlangene leArenel Movers, iBulawayo Chiefs leChegutu Pirates ngesizini edluleyo.
Kumalungiselelo okulungiselela isizini entsha, iPure Platinum Play ikhethe ukuba koBulawayo njalo izahlala kulelidolobho okwamaviki amathathu. IFC Platinum ibeyintshantshu yomdlalo ngo-2017, 2018, 2019 lango-2021 lo2022.