Umcimbi we-rugby eMilton High

Brandon Moyo

ABAFANA besikolo abadlala i-rugby bazavula inkundla zalumdlalo ngokuncintisana kumqhudelwano weMilton Schools Rugby Festival ngoMabasa.

Imidlalo le ihlelwe ukuthi ibekhona mhlaka 11 lomhlaka 12 Mabasa lapho abaqoqi bomncintiswano ababike ukuthi lonyaka kuzakuba ngcono kulanyakenye ngoba baphezulu kokulungiselela ukuthi kujabule wonke umuntu ozabe ekhona.

Umncintiswano lo uzabe useHartsfield Rugby Ground njalo kukhangelelwe ukuthi kudibane amaqembu ezikolo ezivela kuzo zonke izabelo zelizwe. Kubikwa ukuba leqembu lelizwe leBotswana Under-19 lizabe likhona kumidlalo le.

Kulezikolo ezilitshumi lanhlanu eseziqinisekise ukuthi zizaphatheka eHartsfield Rugby Grounds. Zonke izikolo zizakuba lamaqembu amabili, abangaphansi kweminyaka engu-16 yokuzalwa lamaqembu akuqala. Emaqenjini la, iPrince Edwards isanda kungena emncintiswaneni.

Ekhuluma leZimpapers Sports Hub, umbalisi ophethe inhlelo ze-rugby eMilton Boys High, ophinda abe ngumqoqi womncintiswano uLovemore Mangwiro uthe sebeqalile ukulungiselela njalo bakhangelele ukuqhubekisela phambili umkhosi we-rugby yabantwana besikolo.

“Konke sekumi ngendlela. Amalungiselelo ethu aseqalile njalo asesezingeni eliphezulu. Sifuna ukwenza isiqiniseko sokuthi yonke into ihamba kuhle, ingaphazamiseki. Lo sekungumnyaka wesibili kusiba lamaqembu amantombazana. Sifuna ukunika wonke umuntu amathuba alinganayo,” kutsho uMangwiro.

Uthe balindele ukubukela imidlalo ezahlabusa ngoba kuncintisa izikolo ezilodumo lokuphumelela kumdlalo we-rugby.

“Kuzabe kulemidlalo eminengi. Kunsuku ezimbili lezi abantu bazakholisa bebukele ithalenta le-rugby. Yimiqhudelwano efana lale ethuthukisa imidlalo eZimbabwe. Sikhangelele ukuthi kube lomqhudelwano olemiklomelo eminengi lapho engileqiniso lokuthi abafana lamantombazana bazatshiya konke okusemandleni abo ukuze bacine bethatha izicoco kuzigaba zabo.”

Izikolo ezizadlala yiNkulumane, Entumbane, Milton Boys, Christian Brothers College (CBC), Northlea, Gifford, Plumtree, Petra College, Prince Edward, Churchill, Marondera, Goromonzi, Allan Wilson, Direct Academy, Midlands Christian College (MCC) leBotswana Under-19
Owake wadla ubhedu emdlalweni uSimbarashe Danga kubikwa uzabe engunompempe onxusiweyo kulumncintiswano.

UDanga wake waba ngumgcinisihlalo weMatabeleland Rugby Referees Society.
Kusenjalo, iligi yeBulawayo Metropolitan Rugby Football Board (BMRFB) ka-2025 ebikhangelelwe ukuthi iqale ngoMgqibelo odluleyo, isizadlalwa kumaviki amabili alandelayo.

Lokhu kukhulunywe ngumqondisi womqhudelwano uGeorge Hlatshwayo, othe kudalwe yisizatho sokudonsela muva kwenhlelo zabo.

Related Posts

Amanina amathathu abotshelwe ukudlwengula indoda (20)

KULENDODA yeMazowe eleminyaka yokuzalwa engu-20 okubikwa ibanjwe inkunzi, yadlwengulwa ngamanina amathathu, okubikwa ngaweHarare Abasolwa laba—uDiana Sibanda (35), Brendy Msipa (35), loTabeth Harris (33)—amiswe emthethwandaba ngoLwesibili esetheswa umlandu wokubamba inkunzi kanye…

Kucatshangelwa itshefu emputshini kusifa ababili

YiNtatheli kaMthunywa ABADALA bathi impi yomdeni kayingenwa kodwa-ke, ngendlela amalunga enye imuli yakoMoyo, eMbembeswana esigabeni seBubi, eMatabeleland North alwa ngayo, angeke kube yindaba ekhulunywa ngudlu. Imuli le iphakathi kwesindabaphenduli esingadinga…

Leave a Reply

Your email address will not be published. Required fields are marked *

You Missed

SADC to intensify DRC peace efforts

SADC to intensify DRC peace efforts

‘Sadc a staunch advocate for DRC peace’

‘Sadc a staunch advocate for DRC peace’

AI art: Friend or foe? . .Local artists weigh in on the creative revolution

AI art: Friend or foe? . .Local artists weigh in on the creative revolution

Against the odds. . .Woman, maid share breast cancer survival story

Against the odds. . .Woman, maid share breast cancer survival story