Sinokubonga Nkala
Brandon Moyo
KUBE lusuku lokuziqhenya kumdeni wakoCurran ngemva kokuba uBen ekhethwe eqenjini leZimbabwe elizadlala le-Afghanistan.
Elandela amanyathelo abafowabo loyise, bonke asebedlale ikhilikithi ezingeni eliphezulu kakhulu, uBen uselilunga leqembu lelizwe njalo useqinise isibongo sakibo kulumdlalo.
UBen, oleminyaka engu-28 yokuzalwa, uyindodana kaKelvin Curran owadlalela amaChevrons waphinda wawaqeqetsha. Umdlali lo ukhethwe kumaChevrons okwakuqala empilweni yakhe njalo kukhangelelwe ukuthi azitshengisele kumidlalo lelizwe le-Afghanistan eqalise kuliviki.
UCurran wakhethwa kuqembu le-One Day International (ODI) njengomunye wabadlali abathathu okwakumele batshintshe abanye iqembu elibhekane lePakistan koBulawayo ngeviki edluleyo, kodwa kasadlalanga.
Abafowabo, uSam loTom sebathola amathuba kumidlalo yamazwe njengoba bemele iNgilandi njalo sebathwala inkezo yomnhlaba eye-International Cricket Council (ICC).
Umfowabo omncane, uSam ungene enkundleni zokuxhumana ebika ngokujabula kwakhe. Ekhuluma ku-X, uthe uBen wenze uyise waziqhenya ngaye.
“Le yindaba ebaluleke kakhulu, ngeke ngikujabulele okwedlula lapha BC. Kulomuntu ozabe ekukhangele ebobotheka kakhulu lamuhla.”
Ukubizwa kukaBen eqenjini lelizwe akumangalisi ngoba ubesefomini ethokozisayo kukhilikithi kuleli.
Kusenjalo, phakathi kweqembu le-Afghanistan kulabadlali bohlonzi, asebehlonitshwa umhlaba wonke kumdlalo wekhilikithi ababalisa uRashid Khan, Rahmanullah Gurbaz, Hazratullah Zazai, Mohammad Nabi loFazal Haq Farooqi.
Umdlali othembisayo, osebenzisa isandla sokunxele nxa etshaya ibhola, uZubaid Akbari laye ukhethiwe eqenjini.
U-Akbari wadlala kakuhle kumincintiswano ebiqhutshwa e-Afghanistan kumidlalo edluleyo, njalo wabayinsika yokunqoba kwaleliqembu kunkezo ye-Emerging Asia Cup. Omunye umdlali oyintandokazi ku-Afghanistan, uDarwish Rasooli uphendukile eqenjini lama-T20I kulandela ukutshengisa umdlalo osezingeni eliphezulu kulelo.
Umdlali lo wabangukaputeni owakhokhela iqembu leli lithwala inkezo ye-ACC Men’s T20 Emerging Asia Cup e-Oman ekuqaleni komnyaka.
Okhokhela labo abakhetha abadlali ku-ACB u-Ahmad Shah uthe bajabulile ukwamukela u-Mujeeb Ur Rahman ebuyela ehlelweni.
“Kuyintokozo ukubona umgijimi wethu ophambili, u-Mujeeb Ur Rahman, elulama ekulimaleni kwakhe futhi etholakala ukuthi angakhethwa. Ulilunga elibalulekileyo leqembu lethu, futhi sithemba ukuthi uzaqhubeka lokugqama e-Afghanistan.”
Imidlalo ye-test izadlalwa ngekhefu le-Boxing Day, ngelanga lomnyaka omutsha kube sekulandela eminye imidlalo mhlaka 2 lamhlaka 6 Zibandlela koBulawayo.
Uluhlu lwemidlalo:
First T20I: Wednesday, December 11 (Harare Sports Club; 1.30pm)
Second T20I: Friday, December 13 (Harare Sports Club; 1.30pm)
Third T20I: Saturday, December 1 (Harare Sports Club; 1.30pm)
First ODI: Tuesday, December 17 (Harare Sports Club; 09.30am)
Second ODI: Thursday, December 19 (Harare Sports Club; 09.30am)
Third ODI: Saturday, December 21 (Harare Sports Club; 09.30am).
